Charter Document - 02162617
| Charter Number: | 02162617 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1005 |
| Date type: | Internal, Regnal |
| Resource Link(s): |
CCE: cartae cluniacenses electronicae |
Charter:
Omnem hujus seculi vitam tantis perturbationibus dolorum videmus undique circumdatam ut merito felix dicatur esse qui ab hujus miseriis Domini clementia adjuvante absolutus poterit evadere taliter ut ante tremendi judicis oculos misericordia dignus valeat aparere Quapropter in Dei nomine ego Emma et Maiolus clericus frater senioris mei Bernardi peccatorum nostrorum reminiscentes et Deo satisfacere cupientes damus et transfundimus Domino Deo et sanctis ejus apostolis Petro et Paulo et Cluniensi cenobio cui preesse videtur domnus Odilo venerabilis abbas quandam terram sitam in comitatu Matisconensi in agro Puziaco in villa Busserias omnem illam terram scilicet que partitur cum terra fratris ejus Israhelis servos utriusque sexus quesitum et inquirendum cum omnibus suis appenditiis scilicet silvis campis pratis vineis aquis aquarumque decursibus tali tenore ut habitatores prefati loci predictam terram teneant in perpetuum et possideant et quicquid ex ea facere voluerint faciant Facimus autem hanc donationem pro anima senioris mei Bernardi ut omnium et ipsius creator Dominus noster Jesus Christus illi et nobis dignetur esse propitius et ut hec descriptio firma permaneat manibus nostris eam firmavimus et manibus fidelium nostrorum roborandam tradidimus S Emme et Maioli clerici qui fieri et firmare rogaverunt S Wichardi S Heldini S Rotberti S Letaldi S Huberti S Bernardi S Airardi S Siguini S Bernardi S Hugonis S Willelmi S Deodati S Gysleberti S Gauzceranni S Aie Est autem illa terra quam Azelinus avunculus eorum dedit eis in hereditatem Actum III idus novembris Cluniaco puplice regnante Rotberto rege anno X