Charter Document - 02162616
| Charter Number: | 02162616 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1005 |
| Date type: | Internal, Calendar, Regnal |
| Resource Link(s): |
CCE: cartae cluniacenses electronicae |
Charter:
In nomine sancte et individue Trinitatis Notum sit fidelibus cunctis qualiter Bernardus filius quondam Bernardi mutuavit sex libras denariorum a fratribus Cluniacensibus cenobii Unde ipse Bernardus et uxor ejus Gertrudis donaverunt pro predictis denariis totam illam possessionem quam Herlerius uxoris ejus pater habuit in Lovo quam ipse Bernardus ex parte sue conjugis scilicet Gertrudis tenebat tali tenore talique convenientia ut si ipse Bernardus aut uxor ejus predictam possessionem redimere voluerit predictas sex libras fratribus Cluniacensibus reddant et ipsam possessionem habeant sin autem teneant et quicquid facere ex ea voluerint liberam in omnibus potestatem habeant Sane hanc cartulam conguadii Bernardus et uxor ejus scribere rogaverunt suisque manibus firmaverunt Facta carta ista nonis novembris feria II luna vigesima VIIII regnante rege Roberto anno XII S Bernardi et uxoris ejus qui hanc cartulam scribere rogaverunt propriisque manibus firmaverunt S Bladini levite S Aicardi S Gislardi subdiaconi S Gonterii sacerdotis S Oddonis presbiteri Sirus s[acerdos] scripsit Seduno castro