Charter Document - 02162588
| Charter Number: | 02162588 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Religious |
| Charter Type(s): | Exchange |
| Date: | 1004 |
| Date type: | Internal, A.D., Calendar |
| Resource Link(s): |
CCE: cartae cluniacenses electronicae |
Charter:
In nomine sancte et individue Trinitatis Notum sit omnibus qualiter Beraldus prepositus ceterique Sancte Marie Vallavensis ecclesie canonici domnum Odilonem Cluniensis cenobii abbatem ut mansiones quas predicti cenobii fratres jure hereditario Isembardi sacerdotis et monachi possidebant dono eis accomodaret rogaverunt quatinus easdem Gausleno pro mansionibus Kigonis abbatis quas ipse tenebat eis tribuere liceret quod mansiones prefate ad amplificandas eorum oficinas videbantur pernecessarie Hanc autem necessitatem domnus abba Odilo ut audivit tali tenore predictas mansiones eis concessit ut suo monasterio quo citius possent in consimili loco melioratas restituerent Evoluto deinde non multi temporis spacio placuit Syro sacerdoti ut mansiones quas Widonis bone memorie pontificis et canonicorum dono jure possidebat proprietario pro predictis mansionibus canonici secum prefato eas restituerent cenobio Quocirca consentiente Syro canonici eas Cluniacensi restituerunt cenobio et hujus commutationis paginam scribere rogaverunt quam propriis manibus firmaverunt ut ab hac die inantea omni contradictione submota ipsius monasterii fratres in omnibus liberam et firmam potestatem habeant quod de ipsis mansionibus quicquid voluerint faciant salva utilitate canonicorum Facta est autem hec carta ista in Aniciensi civitate III nonas februarii feria V luna VIII anno Dominice incarnationis MIIII indictione II Signum Syri sacerdotis qui hanc cartulam commutationis scribere rogavit et manu propria firmavit S Beraldi prepositi S Oddonis S Rotberti abbatis S Rotberti editui Ego Bonizo scripsi