Charter Document - 02162584
| Charter Number: | 02162584 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1003 - 1004 |
| Date type: | Internal, Regnal |
| Resource Link(s): |
CCE: cartae cluniacenses electronicae |
Charter:
Christi misericordissima passione redemptis expedit ut scelerum suorum enormitatem donec dies est et lucifer oritur summopere ex rebus propriis redimere studeant providentes bona et anime sue salubria quia redemptio anime cujusque proprie sunt divitie Unde ego in Dei nomine Hugo pro amore Dei omnipotentis dono Deo et sanctis apostolis Petro et Paulo ad locum Cluniacum de rebus meis in pago Augustudunensi quicquid in villa Civignono habeo scilicet in campis pratis silvis vineis aquis aquarumque decursibus quesitum et ad inquirendum totum ad integrum faciantque rectores loci Cluniensis in omnibus quicquid facerere voluerint Actum Sesilias villa publice S Hugonis qui fieri et firmare rogavit S Aremburgis S Wigonis filii ejus S Rotberti S Gislardi S Tetardi S Duranni item Duranni Regnante Rotberto anno VIII