Charter Document - 02162574
| Charter Number: | 02162574 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1003 |
| Date type: | Internal, Calendar, Regnal |
| Resource Link(s): |
CCE: cartae cluniacenses electronicae |
Charter:
Quia Domini tribuente clementissima gratia hujus essentie licet fragilia adepti sumus solatia perpendere debemus prudenti industria ut in ea que finem non habet vita omnium creatoris Christi percipere mereamur suffragia sine fine mansura Quamobrem ego in Dei nomine Bernardus miles peccatorum meorum reminiscens et Christo Domino satisfacere cupiens dono et concedo Domino Deo et Sancto Petro Romane ecclesie quasdam vineas sitas in pago Cabilonensi vocato Circiasensi in Monte Musdo terminatas de duobus frontibus de ipsa hereditate et de tercio fronte terra Adun et a mane via publica ea ratione ut quandiu vixero teneam et possideam et decem solidos Sancto Petro Rome persolvam per singulos annos et post meum ex hac vita decessum Sancto Petro et Cluniacensi monasterio remaneant tali modo ut monachi ipsius loci singulis annis prefatum censum persolvere studeant Sancto Petro Romane ecclesie pro remedio anime mee Facio autem hanc donacionem pro remedio anime mee et pro anima patris mei Bernardi et matris mee Aremburgis et pro muliere mea Geretrudis ea scilicet ratione ut si ego in vita mea predicto Cluniensi loco voluero commutare hanc donationem mihi liceat recipere et alteram quam gratanti animo monachi recipiant illis restituere Et ut hec donatio firma permaneat manibus meis roboravi et manibus fidelium nostrorum roborandam tradidi S Bernardi et matris ejus Aremburgis qui fieri et firmare rogaverunt S Geretrudis ejus uxoris que consensit S Bladini S Achin S Odoni presbiteri S Rotberti presbiteri S Laetaldi S Malguini Actum Pseuduno castro III kalendas novembris regnante Rotberto rege anno VIII Gauzfredus monachus et sacerdos rogatus scripsit et subscripsit