Charter Document - 02162573
| Charter Number: | 02162573 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1003 |
| Date type: | Internal, Calendar, Regnal |
| Resource Link(s): |
CCE: cartae cluniacenses electronicae |
Charter:
Dum hujus labentis seculi vitam tribulationibus et erumnis plenam incerto unusquisque limite pertransimus omni sollicitudine currare debemus quatinus cunctorum conditori possimus placere qui nobis sua benignitate et vitam et cuncta que habemus dignatus est concedere Quapropter ego in Dei nomine Bernardus miles enormitatem peccatorum meorum considerans et Domino Deo satisfacere desiderans dono et concedo Deo et Sancto Petro atque Cluniensi cenobio quandam partem alodi mei sitam in villa que dicitur Vallis in comitatu Augustudunensi omnem scilicet terram quam Aidoardis avus meus conquisivit de quadam muliere nomine Giburgis et de filio ejus nomine Rainberto Dono etiam Sancto Petro et Cluniensi monasterio in villa que dicitur Volufum in comitatu Matisconensi quendam servum nomine Teodericum et mulierem ejus nomine Gradeldim cum omnibus infantibus suis et curtile quod ipse servus tenet et terram que ad ipsum curtile pertinere videtur terminatur ipsa terra de uno fronte terra Sancte Dei genitricis Marie et Sancti Johannis et altero fronte via puplica et ex altera parte terra Sancti Petri Has itaque terras cum pratis campis vineis curtilibus dono et Sancto Petro eo tenore ut quamdiu ego vixero teneam et possideam et post obitum meum Sancto Petro in perpetuum possidenda remaneant Dono etiam in presenti Sancto Petro in villa Marchisuto unum curtile et unam vineam in vestitura et terminatur ipsa terra de uno fronte via puplica de altero terra Gauzeranni de altero Aldeverti et quarto terra Sancti Petri Hanc autem donationem facio pro anima mea et pro anima patris mei Bernardi et pro anima matris mee Aremburgis et pro muliere mea Gertrudi S Bernardi et matris ejus Aremburgis qui hanc cartam fieri et firmare rogaverunt S Gertrudis mulieris ejus que consensit S Achin S Odonis presbiteri S Rotberti presbiteri S Bladini S Letaldi S Malguini Actum Pseudono castro IIII kalendas novembris regnante Rotberto rege anno VIII Gaufredus monachus [et] sacerdos rogatus scripsit et subscripsit