Charter Document - 02162559
| Charter Number: | 02162559 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1002 |
| Date type: | Internal, Regnal |
| Resource Link(s): |
CCE: cartae cluniacenses electronicae |
Charter:
Divina pietate hominibus concessum est ut ex reditibus suis quas jure hereditario possident si eas juste dispertiant pauperibus et ecclesiis Christi ex his animas suas redimere et in futuro sibi tesaurizare noverint Quapropter noverint cuncti fideles quod ego Ingelburgis femina et filie mee nomine Landranda et Tedrada donamus Deo et Sancto Petro et ad locum Cluniacum aliquid de rebus nostris pro remedio anime nostre hoc est mansum unum cum omnibus appendiciis suis qui est situs in comitatu Matisconense in villa Engoeno ad Fontanam totum ad integrum quicquid ad ipsum mansum pertinet ut faciant post hunc diem rectores Sancti Petri quicquid facere voluerint Si quis autem de parentibus nostris aut de aliis hominibus contra hanc donacionem litem inferre voluerit sit maledictus cum Juda traditore Domini et excommunicatus nisi ad emendationem venerit Et ut hec donatio firma permaneat et inconvulsa permaneat firmamus et aliis firmare rogamus S Ugoni S Huberti S Bernardi S Vuitberti S Rotberti S Bernardi S Livoni Ego Ingelburgis femina et filie mee supranominate firmavimus mense december die lunis regnante Rotberto rege anno VII