Charter Document - 02162548
| Charter Number: | 02162548 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1001 - 1029 |
| Date type: | Assigned |
| Resource Link(s): |
CCE: cartae cluniacenses electronicae |
Charter:
Divina pietate legumque auctoritate sanctitum est ut de terrenis rebus celestia adquirere debeamus Quapropter ego Arnulfus et uxor mea Heldisnodis donamus Deo et sanctis ejus apostolis Petro et Paulo ad locum Cluniacum ubi preesse videtur domnus Odilo abbas de rebus nostris que sunt in pago Lugdunense in agro Casnense in villa que nominatur Longa Villa videlicet unum curtile cum vinea et supraposito et terminatur a mane via publica a medio die et a sero de ipsa hereditate a cirtio terra Giraldi Ipsum autem curtile facio radale ut habeat usuaria in silva in campis in pascuariis sive in fonte sine interpellatione et sine servitio et donamus pratum terminatum in circuitu de ipsa hereditate et donamus in unum locum campum sestaradas IIII et in alia parte alias IIII et in alia parte II Istas res denominatas ad supradictum locum donamus tali pacto ut quamdiu vixerimus teneamus et possideamus post nostrum vero discessum ad Sanctum Petrum perveniant et faciant ipsius rectores quicquid voluerint in omnibus nullo contradicente Qui autem contradicere voluerit non valeat adimplere quod repetit sed cui litem intulerit auri libras componat X coactus judiciaria potestate Ut autem hujus mee donationis carta firma et stabilis permaneat eam manu firmavi propria amicisque meis tradidi roborandam S Arnulfi et uxoris ejus Heldisnodis S Wichardi S Bernardi S Manesei S Rotgardis S Sazie S Radulfi S Stephani S Odonis Data per manus Johannis presbiteri die sabbatis XV kalendas martii regnante Rotdulfo rege