Charter Document - 02162528
| Charter Number: | 02162528 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1000 |
| Date type: | Assigned |
| Resource Link(s): |
CCE: cartae cluniacenses electronicae |
Charter:
In nomine Patris et Filii et Spiritus sancti sancte et individue Trinitatis Quoniam post primi parentis lapsum humanum genus semper est proclive ad peccandum Omnipotentis gratia suis concessit fidelibus post baptismi donum aliud etiam peccatorum remedium anime scilicet redemptionem largitatem elemosinarum Unde ab eo dantur precepta ut quotquot regna querimus nobis reddi perdita statuamus nobis amicos de iniquo Mammona ut dantes transitoria bona acquiramus eternalia Proinde ego Adelina cum marito meo nomine Rotberto facio verpetionem et deliquia de duobus mansis quos amita mea dedit Domino Deo sanctisque apostolis ejus Petro et Paulo ad locum Cluniacum materque mea maritans me rapuit jam dictos mansos et dedit mihi in dotem Ego vero et dominus meus agnoscentes tam nefandissimum scelus tandem reddidimus ad supradictum locum quod injuste ablatum erat sed hoc in exitu meo quando ex hoc seculo decessi Hoc ideo fecimus ut pius indultor dimittat nobis peccata nostra et per intercessionem summorum apostolorum Petri et Pauli atque omnium sanctorum nobis largiatur requiem sempiternam Sunt in episcopatu Matisconensi siti in confinio quatuor parrochiarum videlicet Sancti Martini et Sancti Jangulfi Circiaco Sapiniaco in villa Cavannas unus et alius in villa a Nuieruls omnia que mihi et domno meo Roberto in istis jam dictis mansis devenit jure hereditario et que ibi habere videbamus vel ullus homo per nos totum ad integrum inquisitum et inquirendum sine ulla calumpnia vel consuctudine ullius mortalis hominis reddimus donamus relinquimus ut faciant rectores Cluniacensium ab hodierno die et deinceps quicquid exhinc facere voluerint sine ullo contradicente Si quis vero contra hoc aliquam calumpniam inferre temptaverit iram Dei manifeste super eum descendat et quod repetit vindicare non valeat potestateque judiciaria coactus auri libram componat