Charter Document - 02162525
| Charter Number: | 02162525 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1003 |
| Date type: | Assigned |
| Resource Link(s): |
CCE: cartae cluniacenses electronicae |
Charter:
In nomine Verbi incarnati Noverint quique sacro baptismate renati quod ego Hupertus jam ultimum anhelans spiritum do Deo et sanctis ejus apostolis Petro et Paulo et Cluniensi monasterio in eorum honore consecrato pro redemptione anime mee et corporis sepultura aliquid de mea hereditate in pago Matisconensi videlicet vineas in villa Tremunz constitutas et he terminationes earum a meridie de ipsa hereditate a cercio terra Duranni a sero terra Anselmi a mane silva Facio autem hanc donationem eo tenore ut dum aliquis ex filiis meis ad perfectam etatem venerit si redimere voluerit redimat XL solidis S Ade uxoris ejus S Letbaldi presbiteri fratris ejus S Rodberti presbiteri S Livonis S Bernoardi Do etiam Ade uxor ejus Deo et Sancto Petro unum campum in Maziaco his terminationibus determinatum a mane via publica a meridie similiter a certio terra de ipsa hereditate a sero terra Sancti Petri Do etiam in Virolias hereditatem quam conquesivit pater meus Hugo de Bernaldo Ea ratione hoc facio ut quandiu vixero teneam et in vestitura duos sextarios vini persolvam