Charter Document - 02162520
| Charter Number: | 02162520 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1000 |
| Date type: | Assigned |
| Resource Link(s): |
CCE: cartae cluniacenses electronicae |
Charter:
In nomine Verbi incarnati Notum sit cunctis fidelibus sancte ecclesie tam presentibus quam futuris qualiter ego Rodbertus dono Deo et sanctis apostolis ejus Petro et Paulo et loco Cluniaco necnon et fratribus inibi degentibus unum campum residentem in villa que dicitur Castelut in tali tenore ut quamdiu vixero teneam et possideam et omni anno unam feminam de frumento in vestitura persolvam Simili modo dono prefato loco omnem terram quam de monachis Sancti Petri emi vel empturus sum totum ad integrum rectoribus supradicti loci dono transfundo ut a die discessionis mee a corpore abeatur et deinceps habeant et possideant absque ullius contradictione Sane si quis ex heredibus meis aut ullus homo extiterit qui hanc donationem calumniare voluerit non possit vindicare quod repetit sed in ira Dei omnipotentis incurrat et post hec donatio ista firma et stabilis permaneat S Rodberti qui cartam istam fieri jussit et firmare rogavit S Eldini S Bernardi S Stephani S Raimmundi S Arsende S Haberti S Constantinus S Hacberti