Charter Document - 02162483
| Charter Number: | 02162483 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 0999 |
| Date type: | Internal, A.D., Regnal |
| Resource Link(s): |
CCE: cartae cluniacenses electronicae |
Charter:
In nomine sancte et individue Trinitatis Otto Dei gratia Romanorum imperator augustus Notum sit omnibus fidelibus nostris quoniam ob petitionem domni Odelonis venerabilis abbatis et salutem anime nostre per hoc nostrum preceptum confirmamus cuidam celle in honore sancte Marie dicate in civitate Papie site ad Cluniacum monasterium dono et traditione Gaidulfi suorumque heredum pertinenti que quondam capella dicebatur Gaidulfi sed nunc ab omnibus cella dicitur Sancti Maioli omnes res et proprietates ad eandem cellam intus et foris pertinentes quas nunc habet vel in futuro Deus ibi concesserit cum terris cultis et incultis aquis molendinis piscationibus omnibusque rebus mobilibus et immobilibus ea videlicet ratione ut jam dicta cella habeat teneat firmiterque possideat et semper in ordinatione et dispositione Cluniacensis abbatis sicut Gaidulfus ordinavit permaneat Etiam cum nostra donatione et auctoritate insuper imperiali jubemus potentia ut nullus dux aut archiepiscopus episcopus marchio comes judex vicecomes nullaque imperii nostri magna parvaque persona de predicta cella aut suis pertinentiis intromittere vel aliquid ordinare aut disponere sine jussione et voluntate abbatis Cluniacensis presumat Si quis igitur hoc nostre stabilitatis preceptum fregerit componat centum libras auri medietatem kamere nostre et medietatem in Cluniacensi monasterio Quod ut verius credatur et semper observetur manu propria roborantes sigillo nostro sigillari precepimus Signum domni Ottonis invictissimi imperatoris augusti Heribertus cancellarius vice Petri Cumani episcopi recognovit Data idus aprilis anno Dominice incarnationis DCCCCXCVIIII indictione XII anno tercii Ottonis regis XV imperatoris III Actum Rome feliciter