Charter Document - 02162466
| Charter Number: | 02162466 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Royal |
| Charter Type(s): | Confirmation |
| Date: | 0998 |
| Date type: | Internal, A.D., Regnal |
| Resource Link(s): |
TELMA - Traitement électronique des manuscrits et des archives CCE: cartae cluniacenses electronicae |
Charter:
In nomine sancte et individue Trinitatis Ruodolfus divine nutu clementie regie dignitatis ornatus honoribus In restaurationibus ecclesiarum Dei perpetuisque solidationibus summo mentis affectu plurimum operam dare preutilis et honesti fore propositum negotii nostri noticiam minime latitat unde omnibus sancte ecclesie filiis evi presentis hominibus et futuri temporis fidelibus certius innotescere volumus qualiter ob Agildrudis regine conjugis nostre dilectissime archipresulisque Purchardi necnon domni Utelonis Cluniacensis monasterii abbatis justas et honestas peticiones precepta regalia seu cartas vel donationes ab aliis fidelibus eidem Cluniacensi monasterio quantum nostri in finibus regni habetur factas in unum collecta corpusculum more patris nostri beate memorie nominatim omnibus missis renovavimus Pertinent igitur ad locum predictum Paterniacum monasterium et Romanum monasterium cum omnibus appendiciis eorum in episcopatu Lugdunensi Saviniacum Farencum Ambariacum Boliniacum ecclesia que dicitur de Oratorio ecclesia Sancti Andeoli Luiniacum Tussiacum Cavariacum villa nomine Romanos Taluzatis portus de Osa Vivariacum piscineque aliquot Darbonacum Anberta Poliacum Artedunum ecclesia Liergis ecclesia de Vallibus ecclesia de Rodnens cum omnibus ad ea pertinentibus in episcopatu Viennensi Croptas locus Taderniacum Caussella ecclesia Sancti Desiderii Bracost Brucins Jarzin superior Jarzin subterior mansiones de Vienna cum ecclesia villa Salpaisa Mons Judeus ecclesia de Candiaco Medons villa que vocatur Insula inter Bullam et Carusiam cum omnibus eorum appendiciis in episcopatu Valentinensi ecclesia de Monte Ison ecclesia de Aleso in episcopatu Vivariensi ecclesia Sancti Georgii locus Rumpone locus ad Fontes Cellarionis cum aliis quibusdam in Proventia cella Sancti Amandi castrum Colonzellas cella Sancti Pantaleonis Tudeleta Poiodolen castrum Condorcense cella Rosacensis cella Canagobiacensis Valentiola Teiza mansiones de castro Avinione et Arelatensi urbe et Monte Vivario quicquid ibi acquisistis et in villa Ribedanias Hec igitur teneat abbas Utelo monachique sub eo locati successoresque eorum cum omnibus que antecessores ejus in regno nostro acquisierunt aut ipse aut adhuc acquisiturus cum successoribus erit Ut autem hec a nobis facta credantur et numquam a posteris nostris infrangantur manu nostra roboravimus et sigillo nostro jussimus insigniri Signum domni Ruodolfi regis nobilissimi Ego Paldolfus cancellarius recognovi Actum Viveisi anno incarnationis Dominice DCCCCXCVIII indictione VIIII regni vero Rodolfi regis sexto feliciter Amen