Charter Document - 02162456
| Charter Number: | 02162456 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 0998 |
| Date type: | Internal, Regnal |
| Resource Link(s): |
TELMA - Traitement électronique des manuscrits et des archives CCE: cartae cluniacenses electronicae |
Charter:
Omnis homo quandiu in salo presentis vite agonizat summa vi summoque ingenio studere debet ut ex rebus perituris eterna premia mercetur juxta Precursoris etenim vocem Jam securis ad radicem arboris posita est Unde noverint tam presentes quam etiam futuri Christi tyrones quod ego Livo recogitans enormitatem meorum peccaminum dono Deo et sanctis apostolis ejus Petro et Paulo et loco Cluniaco cui preest domnus Odilo abbas aliquid ex rebus meis que sunt site in pago Maticensi in villa Salorniaco in agro Athanacensi hoc est unus mansus indominicatus ubi Walterius stat qui est ad Puteum et quicquid ad ipsum mansum aspicit tam de alodo quam de conquisto et quicquid habeo jam dicta villa excepto uno manso ubi Otbertus stat et unum clausum de vinea in Tremuntio quem relinquo Sancto Benedicto et excepto uno curtilo quem relinquo sorori mee Emeltrude cetera Sancto Petro dono Et dono in villa quam vocant ad Rocam unum mansum et quicquid ad ipsum mansum aspicit vel aspicere videtur quesitum et ad inquirendum totum ad integrum hoc sunt vineis campis pratis silvis Facio autem hanc donationem pro anime mee remedio et pro anima patris mei Livonis et pro anima matris mee Ledburgis et pro animabus omnium parentum meorum Dono etiam unum farinarium super fluvium Vuie et servum nomine Balduinum Dono vero etiam in villa Besorniaco mansum indominicatum ubi Reginerius stat et quicquid ad ipsum mansum aspicit vel aspicere videtur videlicet campis et vineis Dono etiam servos et ancillas qui in supradictis mansis habitant in Salorniaco videlicet et Rocca exceptis Goolberto et filio ejus Walterio Dono hec omnia ut pius Dominus de penis inferni nos eripiat et ad guadia eterna perducat Si quis autem contra hanc donationem aliquam litem inferre presumpserit primitus iram Dei omnipotentis incurrat et beatorum apostolorum Petri et Pauli et omnium sanctorum quorum memoria continetur in celis veniantque super eum omnes maledictiones quas continet vetus et novum Testamentum nisi ad emendationem venerit cogente etiam judiciaria potestate auri [li]bras triginta persolvat et hec donatio firma sit omni tempore Actum Salorniaco publice S Livonis qui fieri et firmare rogavit S Israel S Umberti S Uberti S Bernardi S Odilonis S Odonis S Walterii S Gunsilini S Girbaldi Data mense martio regnante Rodberto rege anno secundo Ebrardus levita scripsit Arnulfus hic restauravit