Charter Document - 02162452
| Charter Number: | 02162452 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 0997 - 1042 |
| Date type: | Assigned |
| Resource Link(s): |
BnF Département des Manuscrits - NAL 1498 (f6r) CCE: cartae cluniacenses electronicae |
Charter:
In nomine sancte et individue Trinitatis Ego Leoteldis et frater meus Ritinerius et filius meus Pontius cogitantes casum humane fragilitatis et reminiscentes innumerabilium scelerum nostrorum que nos penitet miserabiliter commisisse contra Dominum spem tamen in divina miseratione constituentes et intercessione Sancti Petri apostolorum principis cui concessa est a pio magistro ligandi atque solvendi potestas fiduciam habentes disponimus aliquid elemosine facere que ad optinendam etheri clavigeri absolutionem et divine clementie largitatem nobis valeat prodesse Quapropter tribuimus redemptori nostro Christo et beato Petro apostolorum maximo et domno Odiloni Cluniacensis monasterii abbati precipuo ceterisque ejusdem cenobii fratribus ad presens et in futurum celesti regi ibi militantibus pro salute senioris mei Richardi et pro salute animarum nostrarum aliquid rerum nostrarum que sunt site infra septa prepositure Sancte Marie Aniciensis ecclesie mansiones scilicet sitas intra preposituram Sancte Marie semper virginis ut predictas domos possideant monachi ejusdem monasterii eo tenore ut ego Leoteldis quamdiu vixero per manificentiam domni abbatis Odilonis teneam illas in ministerio et providentia et post obitum meum ipse mansiones in deditionem Cluniacensis loci et domni abbatis et monachorum ipsius loci redeant easque teneant et possideant et quicquid facere voluerint faciant Dono etiam post obitum meum beato Petro apostolo et Anniciensi monasterio in comitatu Arvernensi in curte Reiliaco quatuor petiolas de terra terminatas ex omni parte terra Sancti Petri ipso tenore ut quamdiu vixero teneam et possideam et post obitum meum ad Cluniensem monasterium et monachos ipsius loci predicta terra redeat et eam in perpetuum teneant et possideant et quicquid facere voluerint faciant Et ut hec carta firma et stabilis permaneat cum stipulatione subnixa manu propria subterfirmavi et fratri meo et filio firmare rogavi S Leoteldis que fieri et firmare rogavit S Rainerii fratris sui Signum Girberti Data V feria III idus mai