Charter Document - 02162428
| Charter Number: | 02162428 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 0997 - 1031 |
| Date type: | Assigned |
| Resource Link(s): |
CCE: cartae cluniacenses electronicae |
Charter:
Auctoritas extat ecclesiastica nobisque a majoribus nostris tradita ut si quis aliquid de hereditate proprii juris Deo vel alicui sancto pro remedio sue anime dare voluerit per testamentum novum faciat posteris Quapropter ego Wido et uxor Milonis nomine Eva donamus Deo et sanctis apostolis ejus Petro et Paulo pro salute anime memorati Milonis fratris mei aliquid de nostra hereditate que sita est in pago Matisconensi in villa Maxiliaco hoc est curtilum ubi Guandalbaldus residet cum ipso servo Guandalbaldo et sua hereditate et terciam partem de manso quem tenuit Guandaldradus que Miloni obvenit tam de manso quam de omnibus appendiciis suis pratis silvis aquis aquarumque decursibus exitibus et regressibus Dono etiam alium mansum in quo Paschalis resedit cum omnibus appendiciis suis pratis silvis aquis aquarumque decursibus exitibus et regressibus et unum servum nomine Durannum cum manso quem Milo conquisivit in Prissiaco de Bernardo Rabido cum omnibus appendiciis suis Dono quoque in Maxiliaco terciam partem de plantis que Miloni obvenit in Plantis vocat Dono et unam ancillam nomine Ingelbergam Hec omnia donamus pro remedio anime Milonis ut faciant rectores Cluniensis monasterii de his omnibus ab hac die et deinceps quicquid facere voluerint Si quis autem contra hec aliquam calumniam inferre temptaverit anathema sit S Widonis et Eve qui hanc cartam fieri et firmare rogaverunt S Siguini Drogonis Wacilini Willelmi Maioli Wichardi Rodulfi Actum Cluniaci publice regnante Rotberto rege Almannus scripsit in mense januario die veneris