Charter Document - 02162367
| Charter Number: | 02162367 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 0996 - 1031 |
| Date type: | Assigned |
| Resource Link(s): |
CCE: cartae cluniacenses electronicae |
Charter:
Sacrosancto et exorabili loco quem dicatum in honore beatorum apostolorum Petri et Pauli regit et gubernat domnus Odilo venerabilis abba nos in Dei nomine Constantius presbiter et mater mea Engelsenda et frater meus Adalbertus donationem facimus sub notitia omnium fidelium de quadam nostra hereditate que sita est in pago Matisconense in villa Igiaco in Brachiaco vocatur Sunt autem III partes unius curtilis et de his que ad ipsum pertinent eo tenore ut quamdiu vixero teneam et possideam et post meum discessum ad Sanctum Petrum perveniat Et in ipsa villa donamus unum aliud curtile in presenti et terminatur a mane terra Otgerii a medio die via puplica a sero terra Rotberti a cirtio terra Sancti Petri Facimus autem hanc donationem pro remedio animarum nostrarum et in locum sepulture ut Dominus pro sua pietate sit nobis propitius et Sanctus Petrus sit nobis clementissimus advocatus in die tremendi judicii Preter ista ego Engelsenda dono pro remedio anime mariti mei Adalberti unum campum in Chalio vocatur ut Dominus pro sua pietate misereatur ei et in tali conditione ut quamdiu vixero teneam et possideam et post meum obitum ad Sanctum Petrum perveniat Et ut hoc firmum permaneat manibus propriis firmamus testibusque tradimus roborandam S Constantii presbiteri et matris ejus Engelsende et Adalberti qui fieri et firmare rogaverunt S Duranni S Duranni alii S Drogonis S Amalberti Actum Aionna puplice regnante Rotberto rege