Charter Document - 02162360
| Charter Number: | 02162360 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 0996 - 1031 |
| Date type: | Assigned |
| Resource Link(s): |
CCE: cartae cluniacenses electronicae |
Charter:
Multimoda sua miseratione consulens humano generi clementissimus cunctorumque conditor omnipotentissimus Dominus inter cetera sue benignitatis alloquia eos summis laudibus effert qui misericordie operibus insudare noscuntur Dicit etenim eos inter reliquas quas suis sanctis discipulis loqui dignatus est beatitudines misericordiam adepturos qui aliis misericordiam impendere studuerint cum ait Beati misericordes quoniam ipsi misericordiam consequentur Precipitque alio in loco nobis amicos de Mammona iniquitatis adquirere qui nos possint in eterna tabernacula recipere Quam rem et alia per plura in sacris paginis scripta perpendens ego Wido uxorque mea Eymenildis cum voluntate filii nostri Rodulfi donamus Domino Deo sanctisque ejus apostolis Petro et Paulo et ad locum Cluniacum ubi domnus Odilo abba magis prodesse quam preesse videtur aliquid ex nostra hereditate videlicet unum campum et unam vineam in tali tenore ut quamdiu vixerimus ego Wido uxorque mea Eymenildis filiusque noster Rodulfus teneamus et possideamus Quando vero aliquis ex nobis vitam excesserit ejus pars Sancto Petro deveniat Est autem prefata terra in villa que dicitur Modoy et terminat a mane de ipsa hereditate et a medio die terra Sancti Petri et ad occasum solis de ipsa hereditate et a tercio via puplica Facta est autem hec carta regnante domno Rotberto rege Francorum immo Domino nostro regnante in eternitatis solio Accipiant autem supradicti loci habitatores in vestitura de hac hereditate IIII sextarios vini omnibus annis et unam aminam annone Et ut carta stabilis et firma permaneat manu propria firmamus aliisque firmandam tradimus Signum Widonis qui hanc donationem fecit S Eymenidis uxoris sue S Rodulfi et Stephani filiorum ipsius S Tece sororis ejus S Odoni