Charter Document - 02162329
| Charter Number: | 02162329 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 0996 - 1031 |
| Date type: | Assigned |
| Resource Link(s): |
CCE: cartae cluniacenses electronicae |
Charter:
In nomine Verbi incarnati Notum sit cunctis sane sapientibus tam presentibus quam futuris qualiter ego Otgisus dono Deo et sanctis ejus apostolis Petro et Paulo aliquid de mea hereditate que sita est in pago Matisconense in villa Curciaco hoc sunt quatuor raxie una raxia in Curciaco que terminat a mane via publica de aliis tribus partibus terra Gotefredi et Oddonis Et in villa Domango sunt raxie tres que terminant a mane terra Eldini a cercio terra Rotgerii a medio die terra Sancti Andree a sero via publica Facio autem hanc donationem pro remedio anime mee et uxoris mee Ingeltrudis Faciant autem de his omnibus ab hoc die et deinceps quicquid facere voluerint S Otgisi qui fieri firmarique rogavit S Rodberti clerici S Constantii presbiteri S Gotefredi S Ingelelmi Actum Cluniaco publice Rodberto rege regnante