Charter Document - 02162319
| Charter Number: | 02162319 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 0996 - 1031 |
| Date type: | Assigned |
| Resource Link(s): |
CCE: cartae cluniacenses electronicae |
Charter:
Divina providente clementia hominibus concessum est ut ex reditibus quas jure hereditario possident si eas juste dispertiant eterna premia promereri valeant Quapropter ego Dodo dono Domino Deo et sanctis apostolis ejus Petro et Paulo et ad locum Cluniacum aliquid ex rebus meis que sunt site in pago Matisconensi in villa Carsiniaco in agro Ciciacense et in villa Bersiaca similiter Quidquid in jam dictis villis visus sum habere tam in campis quam vineis seu silvis ex omnibus quesitum et ad inquirendum supranominatis sanctis dono pro remedio anime mee seu parentum meorum et in locum sepulture tam mee quam filii mei Dodonis In tali autem tenore hanc facio donationem ut quamdiu vixero usum et fructum habeam et post meum discessum ex hac hereditate medietas et post filii mei Dodonis obitum alia medietas ad jam dictos sanctos perveniat Porro in vestitura silvam in Carsiniaco sitam jam dicto loco concedo ut ab hodierno die faciant ipsi [monachi] inhibi quicquid placuerit Si quis autem hanc donationem calumniare voluerit non valeat vindicare quod repetit sed coactus judiciaria potestate auri libras III persolvat et post hec ista donatio firma et stabilis permaneat S Dodonis et filii ejus Dodonis qui hanc donationem fecerunt et firmare rogaverunt S Disie matris S Raynaldi clerici S Fulcherii S Aymonis presbiteri S Witberti presbiteri S Duranni et filii ejus Walterii Actum publice Petronna regnante Rodberto rege Ego Vausbertus levita et monachus hanc cartam ad vicem cancellarii scripsi rogatus