Charter Document - 02162307
| Charter Number: | 02162307 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 0996 |
| Date type: | Internal, A.D., Regnal |
| Resource Link(s): |
TELMA - Traitement électronique des manuscrits et des archives CCE: cartae cluniacenses electronicae |
Charter:
Notum sit omnibus hominibus tam presentibus quam futuris quod ego Humbertus episcopus Gra[tia]nopolitanensis dono Domino Deo et sanctis apostolis ejus Petro et Paulo et loco Cluniaco ubi domnus Odilo abba magis videtur prodesse quam preesse et fratribus ibidem Deo servientibus presentibus et futuris dono ego supradictus Humbertus medietatem castri de Visilia cum domo mea et totum burgum cum ecclesia Sancte Marie et omnia que ad ipsam ecclesiam pertinent totum ab integro dono laudo et confirmo supradicto loco sine ullo calumpniatore videlicet pro remedio anime mee et parentum meorum vivorum et mortuorum et maxime patris mei et matris ut Deus omnipotens det nobis partem et societatem in orationibus et elemosinis et in omnibus bonis que fiunt in supradicto loco et in omnibus locis ad se pertinentibus S Humberti episcopi qui hoc donum fecit et testes firmare rogavit S Fredeburgis matris ejus S Wiguonis fratris ejus S Humberti episcopi de Valentia nepotis ejus Si quis autem hanc nostram donationem vel elemosinam infringere voluerit [quod absit] nisi ad satisfactionem venerit in primis iram Dei omnipotentis et sanctorum apostolorum Petri et Pauli et aliorum omnium sanctorum incurrat et ad ultimum sit participatio ejus cum Datan et Abiron sive cum illis qui dixerunt Domino Deo Recede a nobis Item dono ecclesiam Sancti Martini de Ponte Roso cum decimis et cimiteriis et oblationibus et cum omnibus que ad ipsam ecclesiam pertinent totum ab integro dono ego supradictus Humbertus loco prenominato pro remedio anime mee sine ullo calumpniatore Si quis istius donationis observator extiterit veniant super eum omnes benedictiones veteris et novi Testamenti Amen Amen Fiat Fiat Facta est autem hec carta anno ab incarnatione Domini nongentesimo nonagesimo primo regnante Rodulfo rege anno tercio regni ejus