Charter Document - 02162280
| Charter Number: | 02162280 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 0994 - 1032 |
| Date type: | Assigned |
| Resource Link(s): |
TELMA - Traitement électronique des manuscrits et des archives CCE: cartae cluniacenses electronicae |
Charter:
Auctoritate antiquorum patrum sanccitum est ut ea que in posteris volumus fore firma ne astu fallacie cavillentur scripturis adnotationum corroborentur Unde ego in Dei nomine Adalardus et uxor sua Ocdela et filiis nostris Adalardo Stephano pro remedium animas nostras atque ceterorum filiorum meorum cunctorumque parentorum meorum tam vivis quam defunctis dono et concedo ad locum cui vocabulum est Cluniensis et est dicatum in honore sanctorum apostolorum Petri et Pauli quo in loco domnus Odilo abba preesse videtur aliquid de rebus meis que sunt site in pago Lucdunensis in villa que dicitur Turuniaco hoc sunt duos masos et dimidium Castaniriaco et in alio loco in villa que dicitur Buscitgas unum masum cum campis et pratis atque appendiciis que ad illum masum pertinet et in alio loco in villa que dicitur Rantiaco una colonia que fuit Anrico et quantum ad istos masos et ad ista colonia pertinet vobis dono et in alio loco in villa que dicitur Vendonensa unum mulinario cum curtilo totum ad integrum vobis dono Si quis vero homo huic nostre constitutioni contradictor aut calumpniator extiterit primitus iram Dei incurrere se noverit sancteque genitricis Dei Marie et Domini nostri Jesu Christi offense subjacebit necnon sanctorum apostolorum Petri et Pauli simulque omnium sanctorum et hoc donum deinceps firmum et stabilis omni tempore maneat S Adalart et uxore sua Ocdila qui donatione ista fieri et firmare rogaverunt S Adalart S Stephano S Adselina S Adilmoda S Rodboldo S Adalart S Berart S Winbert S Adalbert S Cheuvisa II nonas aprilis scripsit datavit regnante Rodulfo rege