Charter Document - 02162276
| Charter Number: | 02162276 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 0994 - 1000 |
| Date type: | Assigned |
| Resource Link(s): |
BnF Département des Manuscrits - NAL 1498 (f9r) CCE: cartae cluniacenses electronicae |
Charter:
Omnibus christicolis sub norma catholice fidei degentibus notum esse volumus quoniam ego in Dei nomine Walterius gratia Dei Eduorum episcopus de rebus ecclesie mihi a Deo commisse cogitans quantum divina majestas mee possibilitati largiri dignabitur colligere dispersa et conservare congregata quapropter trado monasterium Magabrense fratri nostro domno Odiloni abbati et successoribus ejus cenobioque Cluniensi in perpetuum regendum et regulari ordine disponendum per consilium nostrorum clericorum et ceterorum nobis a Deo commisse ecclesie filiorum ea ratione ut societas nostri loci et Cluniensi cenobii sicut tempore domni Maioli abbatis caritatis vinculo conligata permansit sic etiam cuncto in tempore inconvulsa permanere possit per succedentia temporum spatia ibi omni tempore tam vivorum quam defunctorum ecclesie nobis commisse clericorum agatur memoria digna similiterque eorum memoria in nostra celebretur ecclesia Hoc vero statuimus et omnino contradicimus ut noster nullus successor episcopus neque aliqua alicujus potentis persona aliquem ibi abbatem aut prepositum ordinare presumat sine licentia et voluntate supradicti abbatis Cluniensis et successorum ejus Hanc vero nostram descriptionem disposuimus roborare et Romane auctoritatis privilegio et regali precepto Walterius peccator episcopus Walterius abba Umbaldus abba Umricus abba Ansiisus precentor Anschericus archidiaconus