Charter Document - 02162275
| Charter Number: | 02162275 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 0994 - 0995 |
| Date type: | Internal, Regnal |
| Resource Link(s): |
CCE: cartae cluniacenses electronicae |
Charter:
Notum sit omnibus sane sapientibus quod ego Rieredus et uxor mea Heldeardis cogitantes de Dei misericordia et de retributione eterna pro animarum nostrarum remedio et omnium fidelium christianorum donamus ad ecclesiam Dei in honore sanctorum apostolorum Petri et Pauli constructam cui vocabulum Cluniacus res sitas in pago Matisconense in agro Ipgiacense in villa Kasocio in primis donamus curtile cum manso et vinea simul tenentia que terminantur a mane et a sero terra Tetoene a medio die via publica a circio terra consortorum Donamus etiam mancipia his nominibus nominata Girardum cum uxore sua Donamus etiam unum campum in ipsa villa terminatum a mane et a sero terra Tethoeni a medio die via publica a cirtio terra Sancti Petri Donamus etiam pratum quod vocant ad Pratum Commune et portionem nostram ad ipsam ecclesiam jam dictam donamus vel ad actores ipsius qui si libenter consenserint in eo tenore ut quandiu vixerimus usum fructuarium habeamus et per singulos annos cathedra Sancti Petri denarios VI persolvamus et pro hac donatione locum sepulture habeamus Et si aliquis post nostrum discessum habere voluerit nisi ipsi actores possederint et ipsis monachis Cluniensibus voluntas fuerit ut predictas res alicui extranee persone consentiant tunc liceat cuilibet de filiis meis pro eodem beneficio quod extraneus dare voluerit easdem res a monachis obtinere Si quis vero [quod absit et quod fieri minime credimus] huic donationi contrarius existere voluerit quod male usurpaverit vindicare non possit insuper et ipso loco Cluniaco et Dei servis ibi morantibus auri libras duas persolvat S Rieridi et uxoris ejus Heldeardis qui fieri et firmare rogaverunt S Itberti S Lantberti S Otmerii S Rainberti S Isnardi S Maingodi Data sunt hec regnante Rotdulfo rege anno secundo ejus imperii