Charter Document - 02162265
| Charter Number: | 02162265 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 0994 |
| Date type: | Internal, Calendar, Regnal |
| Resource Link(s): |
CCE: cartae cluniacenses electronicae |
Charter:
Antiqua consuetudine ostendente et lege veteris ac novi Testamenti et confirmatione Spiritus Sancti per Moysen docente de conjugio maris ac femine auctoritas fidelium hominum satis roborata consistit maxime ubi ait Quamobrem relinquet homo patrem et matrem et adherebit uxori sue et erunt duo in carne una et ita sermone divino indissolubiliter subnixum quo dicit Quod Deus conjunxit homo non separet Quod pactum et quam conjunctionem ut in perpetuum a christianis ratum habeatur et etiam Dominus noster homo factus hominum factor ut conjugium sanctum et auctoritate plenum per se ipsum confirmaret nuptiis interesse voluit Quapropter ego Uldricus tantam secutus auctoritatem consilio et monitione amicorum meorum ductus auxiliante pietate superna peto consuetudinem generaliter jugale consortium Pro quo amore et antiquo more dono tibi karissime et amantissime sponse mee Ermengarde per hujus sponcalicii auctoritatem aliquid ex rebus meis que sunt site in pago Matisconense hoc est omnia que visus sum habere in villa Morincas cultis et incultis vineis et silvis domibus ceterisque edificiis Iterum dono tibi in villa Marcis Fontana omnia que in eadem villa habeo cum servis supra nominatis Dono etiam tibi in villa Verchesoto omnia que ibidem habeo cum vineis et silvis cultis et incultis et cum servis ibidem morantes Et dono tibi in pago Lugdunense ecclesiam que est in honore sancti Martini unam medietatem cum campis et pratis et silvis et servis supramanentibus Et dono tibi potestatem unam que vocatur Curte Genono cum omnibus appendiciis ejus quesitum et inquirendum cum servis et mancipiis ibidem manentibus Iterum dono tibi in ipso pago in villa Riplongio omnia que ibi habeo cum vineis et curtiferis campis pratis silvis cum servis ibidem manentibus utriusque sex[us et] etatis Et dono tibi in villa Montaniaco quicquid ibi visus sum habere Et dono tibi in Riplongio villa manso uno quo de Ugoni conquesivi Hec omnia superius comprehensa sicut infra scripta habentur tibi dilecte sponse mee Ermengarde cedo trado atque transfundo perpetualiter ad habendum vendendum donandum seu liceat commutandum vel quicquid in eisdem vel de eisdem rebus libero arbitrio volueris faciendum Si quis vero quod futurum esse minime credo ego aut aliquis ex heredibus meis contra hoc sponcalicium donum venire dicere aut inquietare aliquid voluerit non valeat vindicare quod repetit sed componat tantum et aliut tantum quantum omnes ipse res meliorate valuerint et presens cessio firma permaneat cum stipulatione subnixa Actum Matiscono civitate Signum Uldrico qui dotum et donationem istam fierent et firmare rogavit S Ratherio fratri suo qui consensit S Miloni S Alioldo S Aymo S Robert S Bernardo S Teotberto S Vuarnerio S Alerio S Ugoni S Eldegerio S Ugoni S Alberico S Lespranno S Vuichardus S Eldino S Otto comes S Ermentrude comitissa S Vuidoni Data per manu Rodulfi presbiteri IIII nonas septembris indictione III anno octavo regnante Ugonis rege