Charter Document - 02162255

Noverit omnis catholica sancta mater ecclesia quia anno incarnationis Domini nostri Jesu Christi DCCCCLXXXX indictione V in Lugdunense territorio quem vocant Ansam in basilica beati Romani congregatam sinodum vidimus aggregatis ibi scilicet sanctis ac venerabilibus patribus videlicet domno Burchardo sancte sedis Lugdunensis ecclesie archiepiscopo Teubaldo sancte sedis Viennensis archiepiscopo Vualterio sancte sedis Eduensis venerabili episcopo necnon et domno Lamberto sancte sedis Cabilonensis episcopo et Leutbaldo sancte sedis Matiscensis episcopo Wigonem etiam sancte sedis Valentine ecclesie civitatis episcopo Eyboldum Uzyace urbis episcopo Evrardum sancte sedis Moritane civitatis episcopo Humbertum scilicet sancte sedis Grati[an]opolitane civitatis episcopo Anselmum sancte sedis ecclesie Auguste civitatis episcopo Amico sancte sedis ecclesie Terentane civitatis episcopo quibus multa ob edificationem ortodoxe fidei et sancte Dei ecclesie stabilimentum multa tractantibus et sanctorum patrum roborati documentis coram sanctorum patrum antistitum scilicet et abbatum conventum necnon et aliorum religiosorum virorum adiit sancti loci Cluniensis cenobii dilectus et a Deo nobis datus Odilo abbas venerandus necnon et domnus Vivianus precipuus prior cum alia cohorte sibi coherentium non modico conventu fratrum implorantes eorum presulatus dignitatem insuper et ostendentes quantis quantis qualisque premerentur angustiis seu jam dictus locus Cluniensis sanctissimus premeretur malis poscentes eorum sanctitati ut sub anathematis terribili vinculo privilegium in Dei nomine ad habendum eis concederent Quibus sanctissimis patribus adquiescentibus postulantibus et tam pro reverentia sancti Petri cujus fungebantur officio et aliorum sanctorum quorum ibi memoria habetur quamque et domni ac sanctissimi Maioli abbatis in omnibus Dei magnifico cultore de cujus transitu tristati sed olim clarescentibus gratulati vel etiam pro persecutoribus jam sacratissimi loci infestationibus quicquid in illorum sonat privilegiis cartis vel adquisitionum sine alicujus inquietudine sua pontificali auctoritate inviolabile privilegium concesserunt scilicet omnia eorum ecclesias cum decimis et servitiis ad eundem cenobium pertinentibus vel burgum ejusdem sancti loci infra et extra sine precepto et consensu abbatis vel fratribus ejusdem loci aliquam personam nullus presumat Sancimus etiam privilegium concedendo et in omnibus confirmando potestate[m] sancti loci superius dicti infringere aut violare vel predam auferre vel ecclesiis cum domibus et cellariis ad eundem locum pertinentibus scilicet in pago Matiscensi Lordonem montem capere vel depredare sua pontificali auctoritate excommunicando anathematizando vehementissime contradixerunt Blanoscum scilicet et Besorniacum curtem et villam sibi adherentem Macerias et Peronnam Cavinias Solestriacum Scociolas et Claromane cum appendiciis suis Sanctum Victorem constitutum supra fluvium Remis Belmontem etiam in pago Cabilonensi sito in pago Lugdunensi Saviniacum et Romanam potestatem Chavariacum et Tosciacum Poliacum Artadunum Ambertam cellam cum appendiciis suis Ivuirendam et castrum Oiedellis monasterium Sonna qui vocatur Carus Locus Regniacum monasterium in comitatu Matisconensi supra fluviolum Remis necnon et ecclesias cum potestatibus ad locum supradictum Cariloci cenobium necnon etiam Regniacum cum sibi pertinentiis videlicet domibus cellariis sibi adherentibus et quicquid modo habere vel possidere videntur vel quicquid in futurum ad augendum nutu divino fuerit in quocumque loco et pago nulla qualibet persona infringere vel depredare minime audeat Sue etiam presulatus auctoritate prohibuerunt et vehementer sub testificatione anathematis vetuerunt ut nullus judex publicus aut exaccionarius comes quoque vel quilibet exercitus proprius aut conductucius castrum facere aut aliquam firmitatem infra aut juxta eundem locum vel potestates ejusdem jam dicti loci sacrati edificare aliquotiens quis presumere audeat Statuerunt etiam in eodem sancto concilio ut nulla secularis dignitas seu militaris sublimitas aut homines juxta Cluniacum commanentes et in locum quoque jam dictum Carum Locum commorantes in eundem castrum vel in burgum ejusdem loci predam auferre vel predam aliquam tam in bubus vaccis vel porcis quamque etiam in caballis vel quicquid preda videri aut nominare potest foris intus nec de intus foris mittere audeat quia non decet sanctis cenobitis in jam dicto loco morantes a malignis vel superbis hominibus aliquas molestias ingeri In hoc privilegio conscribi jusserunt ac vetaverunt a nullo homine corpus et sanguinem [por]tare ad infirmum nisi sacerdotis solius nunquam autem servetur corpus dominicum in ecclesia amplius quam diebus [VIII] et semper renovetur in die dominico ad vigilias frequenter veniant cum gemitu et suspirio ibi stent sine loquacitate et scurrilitate ad opus Dei nichil agant aliud nisi quod expedit animabus eorum ad venationem nullus clericus eat a Deo sciat quem irridet esse dampnandum Est autem decretum a sanctis patribus in concilio et catholicis episcopis ut sacerdotes ab uxoribus se abstineant sin autem in ecclesiis sacrum ministerium non faciant et ipsas ecclesias quas possident perdant incantationes neque auguria nec divinationes faciant nec credant Qui autem fecerit nec a ponis perpetuis nec ab incendiis liberabitur nisi per veram satisfactionem emendaverit sabbato vero post nonam opera nulla faciat Dominico autem emere aut vendere nullus presumat nisi tantum quod in die manducet placitum non querat neque faciat laici omnes feria IIII a carne abstineant et VI feria jejunent si ita possunt perficere aut pauperibus elemosinas tribuant Secunda et IIII et VI feria missas audiant si possunt Hujus igitur privilegii conservatoribus pax a Deo patre et Domino Jesu Christo omni benedictione celesti veloci cursu super eos descendant Violatores autem anathema maranatha dampnentur nisi resipuerint et penitentiam egerint aut ab abbatibus sanctissimi loci Cluniensis vel a fratribus ipsius loci absoluti quandoque fuerint sin aliter eterno supplicio dampnati permaneant Amen Fiat fiat