Charter Document - 02162206
| Charter Number: | 02162206 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 0993 - 1048 |
| Date type: | Assigned |
| Resource Link(s): |
CCE: cartae cluniacenses electronicae |
Charter:
In Christi nomine Ego Constantinus miles scire volo tam presentibus quam futuris quia dono Deo et sanctis ejus apostolis Petro et Paulo et ad locum Cluniacum aliquid de mea hereditate que sita est in pago Matisconensi in villa que dicitur Maliacus in loco qui dicitur Salniacus videlicet unam condaminam quantum visus sum habere in ea totum ad inquirendum ea ratione ut quandiu vixero teneam et possideam Dono etiam in eadem villa subtus mansum Ermenaldi dimidium pratum Dono etiam in ipsa villa de uno campo medietate super clausum Girbaldi Dono iterum unam ancillam quam servus Sancti Petri tenet uxorem nomine Rannaldus Facio autem ea ratione hanc donationem ut terram quam Arluinus delegavit Sancto Petro pro remedio anime sue mihi monachi Sancti Petri permittant quandiu vixero et post discessum meum ad Sanctum Petrum simul cum hac donatione ad integrum perveniat