Charter Document - 02162202
| Charter Number: | 02162202 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 0993 - 1048 |
| Date type: | Assigned |
| Resource Link(s): |
CCE: cartae cluniacenses electronicae |
Charter:
In Christi nomine Notum sit cunctis fidelibus quod ego Maiolus dono Deo et sanctis ejus apostolis Petro et Paulo ad locum Cluniacum cui videtur preesse et prodesse domnus Odilo abba aliquid de hereditate mea pro salute anime mee et meorum parentum scilicet duos mansos in territorio Matisconensi in villa que vocatur Varengo et in uno manso habetur unus servus nomine Maiolus quem etiam dono cum uxore sua et infantibus suis cum silvis et pratis et omnibus ad ipsum mansum pertinentibus Alius mansus habet duas mansiones et vineam que terminatur a mane terra Sancti Petri et a meridie et a sero via puplica a cirtio terra Sancti Petri Dono etiam in ipsa villa de hereditate que mihi a patre et matre succedit omnem tertiam partem et in omnibus omnino locis ubicumque mihi a paterno et materno jure eveniunt quesitum et ad inquirendum Et in altera villa que dicitur Flagiaco de uno manso totam partem ad me pertinentem et in silva quadam que vocatur Vaura totam meam partem de cunctis reditibus trado donans jam dicto loco tali ratione ut quandiu libera senioribus loci hujus permanserit arbitrio illorum regatur si vero alicui data fuerint a parentibus tollantur Quam donationem taliter facio firme ac libere ut si aliquando aliquis vel etiam ex parentibus meis contradicere voluerit componat C auri libras supradictis senioribus loci memorati S Maioli qui hanc cartam facere et firmare rogavit S Stephani S Gisleberti S Aimonis S Siguini filii ejus