Charter Document - 02162139
| Charter Number: | 02162139 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 0993 - 1048 |
| Date type: | Assigned |
| Resource Link(s): |
CCE: cartae cluniacenses electronicae |
Charter:
In nomine Domini nostri Jesu Christi Ego Rodulfus agnomine Jacob dono Deo et sanctis apostolis ejus Petro et Paulo ad locum Cluniacum ubi preest domnus Odilo abba quoddam mansum qui situs est in villa Marnan cum omnibus appendiciis suis videlicet pratis campis vineis et omnibus omnino appendiciis que mihi jure paterno obvenerunt et sicut avus meus possedit totum ad integrum dono predicto loco Hanc autem donationem facio pro redemptione anime mee ut Dominus propicietur omnibus peccatis meis Si quis hanc donationem contradicere voluerit a Deo se damnari sciat nisi digne emendaverit Hanc cartam ego manus tactu firmo et omnibus subscriptis firmare rogo S Adde uxoris ejus S Oddonis Gausfredi Seguini Heldini Stephani