Charter Document - 02162135
| Charter Number: | 02162135 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 0993 - 1048 |
| Date type: | Assigned |
| Resource Link(s): |
CCE: cartae cluniacenses electronicae |
Charter:
Conditor etenim creaturarum semper desiderat aquirere quamvis sit dominus omnium et quos vult ad se trahi non sinit diu in hac erumnosa vita implicari Unde miseratione divina et ego B commotus sciens diu temporalia diversis casibus labentia a quibus frequenter contactus cognovi sagatus omittere transeuntia et adquirere pro terrenis celestia insuper etiam in eternum mansura Idcirco ad laudem et gloriam omnipotentis Dei et gloriosissime Virginis Marie omniumque celestium virtutum atque incliti martyris Juliani atque omnium simul sanctorum pro salute scilicet animarum Oddonis ac mee patrum ac parentum nostrorum sive et universe congregationis hujus cunctorumque fidelium remissione adscribo concedo dono affirmo ex mee possessionis jure beatis Petro et Paulo apostolis Cluniacensis seu Celsiniacensis cenobiorum in manum et potestatem Odilonis abbatis necnon et Viviani ac ceterorum sub regula fideliter earumdem locorum viventium per successionem temporum videlicet possessionem que non longe distat meridianis muro que ab oriente est sita quam adquisivit Oddo de Dalmatio vicecomiti sicut in veteri videtur auctoritate adherens Archimbaldi habitationi et e regione Oddoini mansioni a meridie vero finitur propria hereditate quam adquisivit Oddo de Stephano et uxore sua Ermengarde habens mansiones Sancti Genesii adherentes et ortulo ipsius Odilonis abbatis ad occasum autem habitationem Dalmatio puero adjacentem quam ei dedit ipse Odilo abba ab aquilone vero jure proprio quod communiter fratres ipsius Oddonis dedere de Albuini successione que est terminus vie respicientis muro Ergo ut hec cessio firma et stabilis semper sit ipse auctor cessionis manibus suis firmavit et virorum nobilium fratrum Pontionis videlicet atque Bertranni manibus necnon patrum et seniorum ceterorumque eidem loco servientium ac plurimorum fidelium personarum testimonio adsignare studuit quorum hec sunt nomina Rotbertus prepositus Beraldus decanus Joseph Dalmatius Radulfus Ebo Stephanus item Stephanus Gaucelmus Rotbertus Petrus Calixtus Arlulfus Odalricus Leotaldus Eustogius item Eustogius laicorum autem isti fuerunt Dalmacius vicecomes Stephanus vicarius Ebo Bertrannus fratres Dalmatius Ildegerius Bertramnus Folconus Theotardus Gausfredus Ricolfus Eldigerius