Charter Document - 02162129
| Charter Number: | 02162129 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 0993 - 1048 |
| Date type: | Assigned |
| Resource Link(s): |
CCE: cartae cluniacenses electronicae |
Charter:
Divina pietate et misericordia concessum est unicuique mortalium ut ex rebus temporalibus adquirere sibi valeat eterne beatitudinis premium Hoc itaque sollicite perpendens et diligenter considerans ego Aremborga nomine pondusque proprie infirmitatis et peccatorum reminiscens jamjamque finem vite instare non ignorans facio hanc donationem pro redemptione anime mee omniumque parentorum meorum ac filiorum Deo proprio conditori et redemptori sanctisque ejus apostolis Petro et Paulo et Cluniensi monasterio in eorum honore consecrato cui preest domnus Odilo abbas de quadam terra mei juris et proprietatis que sita est in Matisconensis et Lugdunensis episcopatibus in villa Bucsiaco unum curtilum cum vinea et unum servum nomine Constabulum cum matre sua Ingelborga qui excolunt eum Hic habet terminationes terra Sancti Vincentii a vesperi terra vescontalis Dono etiam in villa Salmodei unum curtilum cum piscaria et omnia ad se pertinentia et servum nomine Winivaldum cum uxore sua nomine Rainelda et infantibus illorum Habet terminationes a mane de ipsa hereditate a meridie terra francorum a vesperi terra Sancti Vincentii ab aquilone via publica Dono vero unum curtilum in ipsa villa quem tenebat Salvatus cum piscaria et omnia ad se pertinentia qui terminatur ex omni parte terra francorum Hec omnia dono pro remedio anime mee et in locum sepulture Si quis autem scindere aut calumniari voluerit quod e mea propria dono hereditate iram incurrat Omnipotentis nisi ad emendationem venerit et deinceps hec firma et stabilis permaneat cum stipulatione subnixa S Aremborge que fieri et firmare rogavit S Wigonis Attonis Jozeranni S Willelmi et filiorum ejus S Azonis Joze Wichardi