Charter Document - 02162121
| Charter Number: | 02162121 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 0993 - 1048 |
| Date type: | Assigned |
| Resource Link(s): |
CCE: cartae cluniacenses electronicae |
Charter:
Noverint cuncti fideles sancte Dei ecclesie quod ego Segwinus pro redemptione anime mee necnon et uxoris mee Falectrudis nomine et patris mei et matris mee et omnium parentum meorum tam vivorum quam etiam defunctorum dono aliquid de hereditate mea Deo et sanctis ejus apostolis Petro et Paulo ad locum Cluniacum in quo preesse videtur famulus Dei domnus Odilo abba hoc est unam vineam in villa Marchisolio et campum juxtapositum terminatur autem ipsa terra ex una parte hereditate Sancti Johannis ex alia parte hereditate Sancti Petri Cluniacensis cenobii et seniorum inibi Deo militantium Dono etiam supradictis monachis post meum discessum vineam que evenit mihi ex parte Walterii avunculi mei ut habeant teneant et possideant tam in vita quam etiam post mortem meam Est autem ipsa vinea in supradicta villa Marchisolio Dono etiam ipsis monachis post mortem meam unam vineam que evenit mihi ex parte patris mei et pratum juxta positum et campum tali conventu ut ubicumque ego finiero ipsi Cluniacum corpus meum conducant et sepeliant Ego Segwinus manu propria firmo S Maingodi