Charter Document - 02162091
| Charter Number: | 02162091 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 0993 - 1048 |
| Date type: | Assigned |
| Resource Link(s): |
CCE: cartae cluniacenses electronicae |
Charter:
Auctoritas extat ecclesiastica nobisque a majoribus nostris tradita ut quis pro remedio anime sue ex hereditate propria ecclesiam sanctam heredem facere volens per testamentum litterarum notum faciat posteris Quapropter ego Gauzerannus in ultimi diei judicio constitutus notum esse cunctis tam presentibus quam futuris volo quod pro redem[ptio]ne anime mee et in locum sepulture dono Deo et Sancto Petro ad locum Cluniacum cui domnus abba Odilo preesse videtur [quandam] meam ecclesiam in pago Matisconensi in villa Tasiaco sitam et in veneratione sancti Martini consecratam cum omnibus ter[ris cu]ltis et incultis vineis campis pratis silvis aquis aquarumque decursibus egressibus et regresibus totum ad integrum et ut ista donatio firma permaneat omnibus fidelibus tam presentibus quam futuris firmare et laudare rogo Signum Gauzceranni qui hanc donationem fecit S uxoris ejus Helisabet S filiorum ejus Walterii et Wicardi S Letaldi S Accardi S alterius Letaldi S tertii Letaldi S Sopfredi S Ardradi S Ugoni S Rotberti