Charter Document - 02162085
| Charter Number: | 02162085 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 0993 - 1048 |
| Date type: | Assigned |
| Resource Link(s): |
CCE: cartae cluniacenses electronicae |
Charter:
Quisquis ad supernam patriam ire desiderat omnigenis nisibus debet hyma relinquere et omni sagacitate bonis operibus insistere Unde ego Roclenus omnipotentem Deum placatum habere desiderans et in ejus obsequiis continuatim permanere exoptans non solum me sed etiam aliqua jure hereditario mihi concessa eidem Domino Deo offero sanctisque ejus apostolis Petro et Paulo et ad locum Cluniacum sub regimine dunni Odilonis abbatis constitutum Est autem unus mansus in villa Cabannas situs quem dono cum omnibus ad eum pertinentibus videlicet silvis et vineis aquis aquarumque decursibus Et in villa Burgziaco dono unum curtile cum servo qui eum incolit et ejus infantibus qui servus vocatur Tigerius et aliud curtile cum omnibus ad eum pertinentibus positum in Perroilo Dono autem et servos Nogerium et Constabum uxoremque ac infantes Dono autem hec pro redemptione anime mee omniumque parentum meorum Ego Roclerus hanc cartam propriis manibus firmo cujus rogatu facta et conscripta est aliisque firmandam trado S Aymonis S Alarici S Fredeberti S Raimberti S Higerii