Charter Document - 02162084
| Charter Number: | 02162084 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 0993 - 1048 |
| Date type: | Assigned |
| Resource Link(s): |
CCE: cartae cluniacenses electronicae |
Charter:
Cunctis sanum sapientibus certum est ut hii qui bona temporalia possident ex ipsis studeant eterna premia adquirere dicente hoc Domino Facite vobis amicos de Mamona iniquitatis ut cum defeceritis recipiant vos in eternis tabernaculis Quam rem perpendens ego Roclenus cedo Domino Deo sanctisque ejus apostolis Petro et Paulo et ad locum Cluniacum ubi preest domnus Odilo abba omnia que mihi jure hereditario obveniunt in villa Burziaco et in Perroilo terciam partem unius curtilis quem Stephanus tenet ut ab hodierna die predicti loci habitatores teneant et possideant sine ullo contradicente Signum Raucleni qui hanc cartam fieri rogavit S Aymoni S Alarici S Fredeberti S Raimberti S Higgerii