Charter Document - 02162082
| Charter Number: | 02162082 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 0993 - 1048 |
| Date type: | Assigned |
| Resource Link(s): |
CCE: cartae cluniacenses electronicae |
Charter:
Quicumque terrenis se abundare novit opibus necesse est ut mercari ex his valeat eterna Domino hoc in quodam loco docente ubi precipit nobis amicos adquirere de bonis terrenis ut mereamur ab eis recipi in eternis tabernaculis Quam rem cogitans ego Durannus cedo Domino Deo et ejus sanctis apostolis Petro et Paulo et ad locum Cluniacum ubi domnus abba Odilo preesse videtur aliquid ex mea hereditate hoc est vircaria una ex omni parte clausa quam Merais quedam nobilis femina patri meo vendidit quo vocatus est Gauzbertus et ipse mihi in tali tenore dimisit ut quamdiu mihi vita commaneret tenerem aut si in paupertate devenirem et tunc et post meum obitum remaneret Sancto Petro et ad locum supradictum Hanc ergo terram sine ullo contradicente monachi predicti loci teneant [et possideant] S Duranni qui hanc cartam firmavit et scribere jussit S Alberici S Godolberti S Constabuli S Raimbaldi