Charter Document - 02162069
| Charter Number: | 02162069 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 0993 - 1048 |
| Date type: | Assigned |
| Resource Link(s): |
CCE: cartae cluniacenses electronicae |
Charter:
Omnibus sub norma catholice fidei viventibus notum esse volumus qualiter ego Tedrada et filius meus Leodbaldus donamus Deo et sanctis ejus apostolis Petro et Paulo ad locum Cluniacum nostram hereditatem que sita est in pago Matisconense in villa Aionna donamus duas partes de omnibus que ibi habemus et terciam relinquimus Ocende filie mee In villa Brualias donamus duas raxias de vinea et terciam dimittimus supradicte femine In villa Conflens donamus quicquid ibi habemus Hoc totum donamus quesitum et inquirendum tali conventu ut quamdiu vixerimus teneamus hoc de Aionna et Brualias et post nostrum discessum ad Sanctum Petrum perveniat Illud vero de Conflenz donamus in presenti pro investitura tali conditione ut quandiu vixerimus sustineant nos monachi Clunienses S Thedrade S Ledbaldi S Drogonis S Ayroardi S Adalberti S Duranni S Amalberti