Charter Document - 02162063
| Charter Number: | 02162063 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 0993 - 1048 |
| Date type: | Assigned |
| Resource Link(s): |
CCE: cartae cluniacenses electronicae |
Charter:
Omnium divinorum eloquiorum institutione hoc nostris infunditur auribus et commendatur attentius ut pro his mercibus subito evanescentibus temporalibus eas dispensando in pauperum utilitatibus agamus quatinus remunerari mereamur spiritalibus eternaliter manentibus Hoc igitur propterea ego Beraldus clericus omniumque meorum delictorum abolitione monachicum suscipiens habitum ex possessione que mihi jure cedit paterno insimul mecum unum mansum reddo rerum auctori et largitori Domino ejusque apostolis Petro et Paulo tradens eum Cluniaco illi loco famosissimo cui preesse domnus abbas O[dilo] et conventui monachorum inibi degenti universo ut in usus illorum et utilitates deveniat die ab hodierno Est autem isdem mansus in pago Cabilonensi situs et in villa dicta Fusciaco determinatus quem ut prelibatus retulit sermo cum omnibus sibi pertinentiis sine ullius calumpnia ad integrum loco jam dicto et senioribus ad tenendum et possidendum eternaliter confero Si quis vero hujus nostre legitime donationis calumniator presumpserit existere noverit se pro certo perpetue maledictioni subjacere et convictus judiciaria potestate hoc testamento manente illeso auri libram cogatur persolvere S Beraldi qui hoc devoto animo fieri et firmare rogavit