Charter Document - 02162040
| Charter Number: | 02162040 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 0993 - 1048 |
| Date type: | Assigned |
| Resource Link(s): |
CCE: cartae cluniacenses electronicae |
Charter:
Auctor universitatis et reparator humane salutis Dei filius apparens in carne dedit cunctis mortalibus formam satisfactionis et indulgentie suadendo et inculcando unicuique opus pietatis et misericordie loquens per Evangelium Tezaurizate vobis thesauros in celo ubi nec erugo neque tinea demolitur et ubi fures non effodiunt nec furantur In hoc igitur secreto et in salutari gazophilatio volens commendare aliquam portionem mee salutis ego Wichardus reminiscens et agnoscens casus proprie fragilitatis et pondus culpe et prevaricationis dono Deo proprio conditori et redemptori ejusque sanctis apostolis Petro et Paulo et Cluniensi cenobio sub eorum honore consecrato et sub providentia domni Odilonis abbatis posito pro redemptione anime mee uxorisque mee Adelaidis filiique nostri Wichardi simul etiam pro mea uxorisque jam dicte sepultura aliquid ex rebus propriis que sunt site in pago Augustodunensi videlicet mansum in villa Mozocst positum quem Aslandus tenuit Jungo etiam eidem manso terram quam Letardus possedit Item alium mansum in pago Maticensi situm quem vulgo dicunt In Nuirols Item tercium mansum Letardi in Floriaco Hos igitur mansos cum omnibus suis appendiciis ea ratione Deo et prelibato loco offero ut qandiu ego et uxor mea vixerimus [teneamus] et in censu vel vestitura omni anno in festivitate sancti Petri quatuor solidos persolvamus Postquam vero cursum mortalibus debitum utrinque finieribimus sepulturam pro hoc conventu mereamur et absque ullius contradictione in usus fratrum he res predicte remaneant Manet vero quidam servus Constancius nomine in manso dicto Nuirols quem similiter dono cum omni sua posteritate S Wichardi qui fieri et firmare rogavit S Richardi S Benedicti presbiteri S Adelaidis uxoris ejus S Wichardi filii ejus S Bermundi S Huncfredi S Duranni S alterius Duranni