Charter Document - 02162006
| Charter Number: | 02162006 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 0993 - 1048 |
| Date type: | Assigned |
| Resource Link(s): |
TELMA - Traitement électronique des manuscrits et des archives CCE: cartae cluniacenses electronicae |
Charter:
Si quis ex rebus sue proprietatis quos paterna maternaque hereditate sive quolibet legitimo adtractu possidere videtur ob amorem Domini nostri Jesu Christi ac reverentiam honoremque sanctorum locis Deo dicatis in emolumentum anime sue aliquid contulerit procul dubio mercabitur ex caducis et transitoriis rebus vitam eternam Nam si Dominus pro calice aque frigide quem quis in ejus nomine dederit mercedem se promisit redditurum et vidua pauper que duo minuta in gazofilatium jactavit a Domino est laudata multo magis qui plura Deo sanctisque suis ad profectum multorum ob remedium anime sue eternamque remunerationem condonare voluerit plurima recipiet premia cum Apostolus dicat Redemptio anime viri proprie divitie Quapropter ego Wido in nomine sancte et individue Trinitatis cum consilio fidelium meorum tribuo sancte Dei ecclesie que est constructa in loco qui Cluniacus vocatur in honore Domini nostri Jesu Christi et beatorum apostolorum Petri et Pauli cui feliciter preesse et admodum prodesse videtur domnus et cum summa reverentia nominandus Odilo beatus aliquantulam prediorum meorum partem in comitatu Arvernico prope castellum quod antiquo et vulgari nomine Mons Pantiarius vocatur hoc est omnem terram quam in Yfiaco ad presens [in meo dominio excolo Hec offero] Deo Patri et Filio et Spiritui Sancto et beatis apostolis Petro et Paulo atque domno meo Odiloni abbatis monachisque sub ejus sancto regimine in prelibato archysterio Deo militantibus tam presentibus quam et futuris et per hoc testamentum in proprium trado concedo et promptissima voluntate confirmo Cedo insuper eidem loco sancto in villa que dicitur Donone unum mansum quem Rodgerius usque nunc jure benefitii possederat ea ratione ut ab hac die liberam in omnibus habeant prescripti monachi facultatem faciendi quicquid exinde facere voluerint deprecans humiliter illorum magnanimem fidem et piam charitatem quam habent in Domino Jesu Christo ut semper mei dignentur esse memores in cotidianis suis sacris orationibus ut a Domino pariter coronam ex hoc recipere mereamur eternam ego quia hoc donum mee parvitatis Deo et vobis libentissime obtuli vos de benivolentia servitutis vestre et de eximia charitate Si quis vero [quod absit] hujus testamenti destructor aut in ejus destructione fraudulentus machinator in posterum emerserit salutem propriam neglegens aliorumque persequens qui as res Deo et vobis collatas a vobis subtrahere vel etiam diminuere et in suos usus retorquere moliatur iram Dei omnipotentis incurrat et insuper quibus litem intulerit cogatur exsolvere auri libras viginti et sua repetitio careat effectu Hecque donatio mea aliorumque virorum illustrium manibus roborata firma et stabilis perpetualiter maneat inconvulsa cum stipulatione subnixa Signum domni Widonis qui hanc cartam fieri jussit firmavit et firmare rogavit S Stephani abbatis S Theotardi S Wilhelmi S Rotgerii S Pontii