Charter Document - 02162005
| Charter Number: | 02162005 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1016 |
| Date type: | Assigned |
| Resource Link(s): |
TELMA - Traitement électronique des manuscrits et des archives BnF Département des Manuscrits - NAL 1498 (f15r) CCE: cartae cluniacenses electronicae |
Charter:
Doctor vite et magister salutis eterne Dominus noster Jesus Christus inter verba celestia et mandata salutaria operibus misericordie in evangelio docet insistendum ut videlicet perituris diviciis minime succumbamus sed thesauros in celo fideliter reponamus Quapropter ego Unbertus reminiscens magnitudinem peccatorum meorum ob salutem et redemptionem anime mee concedo Deo Salvatori sanctisque ejus apostolis Petro et Paulo Cluniensique monasterio sub eorum honore dedicato et sub providentia domni Odilonis abbatis posito unam ecclesiam qui est in honore sancte Marie in pago Lugdunensi in villa que dicitur Quinciaco [in presenti et post meum decessum et unam fracetia in Monte Canino quam debet Wandalbertus Juvenis] unum mansum qui est in ipsa villa et omnia que ad ipsum mansum pertinent et Fulgerio cum infantibus suis et modo in presenti dimitto receptum quod ipse Fulgerius debebat in vestitura S Unberti qui hanc cartam fieri jussit et firmare rogavit S Ugoni fratri ejus S Arberti S Ugoni et alium Ugonem S Wicchardi