Charter Document - 02161992
| Charter Number: | 02161992 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 0993 - 1032 |
| Date type: | Assigned |
| Resource Link(s): |
CCE: cartae cluniacenses electronicae |
Charter:
Dum in salo fluctivagi seculi hujus vivitur totis nisibus elaborandum est ut de terrenis et transitoriis celestia et eterna mercentur divina voce id precipiente ac dicente Facite vobis amicos de Mamona iniquitatis qui vos recipiant in tabernacula eterne felicitatis Unde ego Aymo compunctus divina inspiratione dono Deo et sanctis ejus apostolis Petro et Paulo ad locum Cluniacum unum servum nomine Durannum cum uxore sua nomine Gontilda et filiis et filiabus eorum Tetbaldo Gontardo Doda et Eldegarda Dono etiam portum de Recula et illam piscationem que ad ipsum portum aspicit totam ex integro sicuti memoratus Durannus de ea videtur hodie esse vestitus Facio autem hanc donationem pro remedio anime mee ut Dominus pro sua pietate dignetur concedere quatinus ipsi san[c]ti apostoli in die ultimi judicii sint michi adjutores et advocati et quo illorum auxilio et intercessione precepta [omnium] peccaminum remissione valeam adipisci gloriam felicitatis eterne Volo etiam ut uxor mea Quinigunda partem et societatem habeat in presenti elemosina Si quis autem huic nostre donationi contradicere presumpserit omnibus maledictionibus subjaceat et quod injuste expetit vindicare non valeat sed coactus judiciaria potestate in fisco publico auri libras decem componat et ut firma permaneat manu propria subter signo testibusque signandam trado S Aymonis S Frotgerii S Oddonis S Gimanis S Bernardi S Leodegarii S Wichardi S Nergaudi S Ansegisi Actum Losiaco publice regnante Rodulfo rege Si quis hanc cartam legeris rogo ut ores pro anima Aymonis et pro cunctis fidelibus christianis