Charter Document - 02161976
| Charter Number: | 02161976 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 0993 - 0994 |
| Date type: | Assigned |
| Resource Link(s): |
CCE: cartae cluniacenses electronicae |
Charter:
Sicut indubitanter fides credentium tenet ita et Christi benignitas mortalibus consulit Quapropter ego in Dei nomine Isimbrannus dono aliquid de rebus meis propriis ad locum vocabulo Cluniacum qui est constructus in honore sanctorum apostolorum Petri et Pauli ubi domnus Odilo abbas preesse videtur hoc est mansionem unam cum vinea et cum salicibus et habet terminationes a mane via publica a medio die terra Odilonis a sero via publica et rivo currente item in alio loco in villa Lornamno unum campum qui habet terminationes ab oriente rupe excelsa et a meridie similiter ab occidente terra Sancti Petri a circio terra Rotgerii In alio loco iterum alium campum qui conjacet In Craio et habet terminationes a mane et a medio die terra Odilonis et terra Sancti Petri muro interjacente et de ipsa hereditate ab occidente similiter Infra istas terminationes totum ad integrum vobis dono ut faciant rectores Sancti Petri ab hac die et deinceps quicquid facere voluerint Si ego [quod absit] aut ullus de heredibus meis aut ulla emissa persona hanc donationem calumniari presumpserit non vendicet quod repetit sed auri libras imponat IIII S Isimbranni qui istam donationem fieri jussit S Rotgerii Adalelmi Girardi Danihelis Andree Godulrici Adalgis Aymo peccator designavit regnante Hugone rege