Charter Document - 02161966
| Charter Number: | 02161966 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 0993 - 0994 |
| Date type: | Assigned |
| Resource Link(s): |
CCE: cartae cluniacenses electronicae |
Charter:
Divina pietate largitumque humanitate sanctitum est ut homo ex propriis rebus quas Domino donante percepit eodem Domino pro redemptione anime sue reddere debeat Quapropter ego in Dei nomine Vuido reminiscor peccatis meis preteritis dono aliquid ego et uxor mea Odila ex rebus propriis ad locum que vocatur Cluniaco qui est constructus in honore apostolorum Petri et Pauli necnon et plurimorum sanctorum ubi domnus Maiolus abbas preesse videtur ad regendum hoc est colonia una qui est in villa que vocant Corcellas cum campis pratis et habet terminationes de uno latus de hereditate Saisiriaco ex alia parte terra Sancte Marie necnon et Beati Philiberti ex aliis duobus frontibus de ipsa hereditate Servum quoque unum nomine Constantium cum uxore et infantibus in eo tenore quandiu vixerimus usum et fructum Post nostrum discessum faciant rectores ipsius loci que superius diximus quidquid facere voluerint sine ullo contradicente Si ego aut ulla emissa persona qui hanc donationem calumniare presumpserit non vindicet quod repetit cum Datan et Abiron cum Juda quoque traditore Domini sed cum eis qui dixerunt Domino Deo Recede a nobis scientiam viarum tuarum nolumus sit cum eis in perpetuo damnatus et anathematizatus usque incidat in laqueum diaboli S Vuidoni et uxore sua Odila qui fierent et firmare rogaverunt S Aymoni S Aidenco S Spera in Deo S Mannoni S Ugoni Aymo sacerdos scripsit quamvis indignus regnante Rodulfo rege