Charter Document - 02161953
| Charter Number: | 02161953 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 0994 |
| Date type: | Internal, Regnal |
| Resource Link(s): |
CCE: cartae cluniacenses electronicae |
Charter:
In Christi nomine Jam rebus sancte matris ecclesie multiplici fidelium quaquaversum largitate diffusa iste mos inolevit et usu communi pro lege habetur ut non tantummodo in clericali set etiam in laicali habitu degentibus a proprio sacello ecclesie aliquid subtractum ipsis sub censu prorogetur salva ratione ut eadem demum meliorata restituant Unde noverint tam presentes quam futuri quod ego Odilo Cluniensium abba cum consensu fratrum dono cuidam viro Rocleno et filio ejus ipso vocabulo insignito archidiaconatus officium administranti quandam vineam nostram subtus castrum Branciduno sitam quam Durannus tempore vite sue nobis inprecavit possidendam Hanc itaque vineam post discessum Duranni jam dictis petitoribus sub censu possidendam tradimus ut quandiu ipsi duo advixerint teneant et singulis annis festivitate sancti Petri V solidos persolvant Est autem hec vinea in villa Aquarias Hanc precariam firmando manu nostra roboravimus et fratribus nostris ut identidem agerent tradidimus Domnus Odilo humilis abba firmavit S Viviani prepositi S Achedei S Witberti S Teoderici et multorum aliorum Data mense augusto regnante Hugone rege anno VII