Charter Document - 02161903
| Charter Number: | 02161903 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 0991 - 0992 |
| Date type: | Internal, Regnal |
| Resource Link(s): |
CCE: cartae cluniacenses electronicae |
Charter:
Sacrosancto et exorabili loco Cluniaco in honore Dei et sanctorum omnium dicato quem domnus Maiolus venerabilis abba Deo juvante regere videtur Ego in Dei nomine Heldricus reminiscens enormitatem scelerum meorum dono aliquid de rebus meis que sunt site in pago Matisconensi in agro Fargias in ipsa villa hoc est unum mansum cum omnibus que ad ipsum aspiciunt vel aspicere videntur meam partem videlicet in vineas campos prata silvas pascuis aquis aquarumque decursibus usque ad inquirendum sed tali convenientia ut quandiu vixero usum fructuarium recipiam et post meum discessum filius meus Durannus et post ipsius mortem ad prefatum locum nemine contradicente perveniant cum omni integritate et cum omni libertate Qui autem contradictor extiterit quicumque ille fuerit iram incurrat Dei omnipotentis cum diabolo et angelis ejus in infernum demergatur nisi emendaverit coactusque judiciaria potestate auri libras V persolvat et postea firma et stabilis hec donatio permaneat stipulatione subnixa Actum Besorniaco publice S Heldrici qui fieri et firmare rogavit S Duranni filii ejus qui consensit S Josberti S Fulcranni S Rainbedi S Anselmi S Livonis S Deodati S Wandalfredi S Aleti Data per manum Josleni anno V regnante Hugono rege