Charter Document - 02161899
| Charter Number: | 02161899 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 0991 - 0992 |
| Date type: | Internal, Regnal |
| Resource Link(s): |
CCE: cartae cluniacenses electronicae |
Charter:
Divina pietate hominibus concessum est ut ex reditibus suis quas jure hereditario possident si eas juste dispertiant pauperibus et ecclesiis Christi ex his animas suas redimere et in futuro sibi tesaurisare noverint Quapropter noverint cuncti fideles quod nos Otgerius et Manuel presbiteri et Rodulfus helemosinarii Huberti et sorores ejus Ema et Archimberta donamus Deo et ad locum Cluniacum aliquid ex rebus ipsius que sunt site in pago Augustodunense in villa Mator Ad Rocam vocant hoc est medietatem mansi unius qui erat inter ipsum et jam dictis sororibus ejus et quicquid ad ipsam medietatem mansi aspicit vel aspicere videtur hoc est medietatem vinee et medietatem farinarii cum campis silvis pascuis terris aquis aquarumque decursibus et medietatem prati unius totum et integrum donamus etiam tres curtilos in ipsa villa in dominicatu et servos inibi manentes Abbonem et Eldebertum cum uxoribus et infantibus eorum et faciant post hunc diem rectores Sancti Petri quicquid facere voluerint Si quis autem contra hanc donationem litem inferre voluerit nisi cito ad emendationem venerit sit maledictus cum Juda traditore Domini et hec donatio firma permaneat S Otgerii et Manuel presbiterorum et Rodulfi qui fieri et firmare rogaverunt Ego frater Evrardus levita scripsit regnante Hugone rege anno V Fidem fecerunt Odgerus Manuel et Rodulfus ut si Sancto Petro tenere non fecissent quiete de suo emendaverint