Charter Document - 02161885
| Charter Number: | 02161885 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 0991 |
| Date type: | Internal, Regnal |
| Resource Link(s): |
CCE: cartae cluniacenses electronicae |
Charter:
In nomine Verbi incarnati Ego Anselmus sacerdos reminiscens enormitatem meorum peccaminum dono Deo et sanctis ejus apostolis Petro et Paulo et ad locum Cluniacum ubi preesse domnus Maiolus abbas videtur mansionem unam cum vinea et curtilum in villa que dicitur Bierias in pago Matisconensi terminatur vero a mane via publica a media die terra Sancti Petri a sero Berengarii a cercio via publica Et in alio loco similiter unam mansionem cum vinea et duos campos simul tenentes in villa que dicitur Castellum et terminatur a mane Sancti Vincentii terra et de ipsa hereditate a media die terra Sancti Petri a sero via publica a cercio terra Constancii et via publica In tercio denique loco campum unum cum prato meam porcionem que me contingit in loco qui dicitur Ad Sanctum Leodegarium Et in alio loco campi unius duas partes Ad Frumentalum et terminatur a mane terra Constancii a media die Algeri et suis heredibus a sero terra Docberti a cercio terra Sancti Petri Ea ratione ut quamdiu advixero has res denominatas teneam et possideam post meum quoque discessum ex integro ad locum prefatum perveniat Ad presens vero trado in vestitura campum unum in Bieras et terminatur a mane terra Sancti Petri Algerii cum suis heredibus a media die a sero vinea Ingelberti a cercio terra Bernardi Si quis vero hanc donationem calumniare presumpserit quod minime credimus non vindicet quod repetit sed coactus auri libras V componat et hec donatio firma et stabilis permaneat stipulatione subnixa deinde Signum Anselmi sacerdotis qui fieri et firmare rogavit S Eldradi sacerdotis S Rothardi S Aymonis S Giraldi Anno V regnante Hugone rege Data mense novenbrio Constancius rogatus scripsit monachus