Charter Document - 02161845
| Charter Number: | 02161845 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 0990 - 0991 |
| Date type: | Internal, Regnal |
| Resource Link(s): |
CCE: cartae cluniacenses electronicae |
Charter:
Salvatoris clementia hoc genus remedii concessum est fidelibus ut ex reditibus suis eterna valeant premia adipisci si eas juste dispertierint Quapropter ego in Dei nomine Maiolus dono Deo et sanctis apostolis Petro et Paulo et ad locum Cluniacum aliquid ex rebus meis que sunt site in comitatu Lugdunensi in villa Montis hoc est mansum unum in dominicatu cum servo nomine Duranno et uxore sua nomine Aldegardi et infantibus eorum et quicquid ad ipsum mansum aspicit vel aspicere videtur hoc sunt campis vineis pratis silvis pascuis aquis aquarumque decursibus quesitum et ad inquirendum totum ad integrum Hanc autem donationem primitus facio pro anima mea et in locum sepulture mee et pro anima patris mei Gauzeranni et matris mee Rotrudis et fratrum meorum et pro animabus parentorum meorum et pro salute omnium fidelium defunctorum ut omnibus in commune profitiat ea tamen ratione ut quamdiu vixero teneam et possideam et singulis annis festivitate apostolorum principis XII denarios in censum persolvam post meum vero discessum sine ulla mora ad Cluniacum perveniat Si quis autem contra hanc donationem aliquam calumpniam inferre voluerit primitus iram Omnipotentis sanctorumque omnium incurrat offensam et nisi resipuerit cum diabolo in inferno trudatur cogente vero juditiaria potestate auri libras quatuor exolvat et inantea firma et stabilis permaneat stipulatione subnixa Actum Cluniaco publice S Maioli qui fieri et firmare rogavit S Bernardi S Hisraheli S Arlei S Bernardi S Huberti Aldebaldus levita scripsit regnante Hugone anno IIII