Charter Document - 02161785
| Charter Number: | 02161785 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 0988 |
| Date type: | Internal, Regnal |
| Resource Link(s): |
CCE: cartae cluniacenses electronicae |
Charter:
Sacrosancto et venerabili loco Cluniacho quod est constructum in honore sanctorum apostolorum Petri et Pauli Dono ego Alsedus aliquid ex rebus meis consentiente uxore mea Ratburga pro remedio animarum nostrarum parentumque nostrorum filiique nostri Gerlandi ut Deus propitietur nobis in die juditii hoc est vinea que habet in longitudine perticas XXIIII in latitudine a mane perticas III a sero III et dimidiam Est autem ipsa vinea sita in pago Matisconense in villa Deven in agro Cardonaco terminat autem a mane et a sero terra Sancte Marie Sanctique Filiberti a medio die terra Rayneldi a cercio terra Stephani et Ansedei In tali autem tenore facio hanc donationem ut quamdiu vivimus ego et uxor mea usum et fructum [habeamus] et qualis ex nobis duobus ante alium obierit media pars ad supradictum locum hujus vinee perveniat et post nostrum amborum discessum ad jam dictum locum perveniat sine ullo contradicente et in vestitura omni anno IIII sextarios ex vino Si quis autem hanc donationem calumniare presumpserit primitus iram Dei omnipotentis incurrat et omnium sanctorum et post hec ista donatio stabilis firmaque permaneat stipulatione subnixa S Alsedi atque Ratburge uxoris sue filiique eorum Gerlandi qui hanc donationem fecerunt et firmare rogaverunt S Gerlandi levite S Heldeberti S Sisleni S Benedicti S Fulcherii S Bovonis [S Ardench] Data per manum Josleni levite in mense aprili regnante rege Hugone anno primo